TIRANË, 21 shtator/ATSH/ Ministrja për Evropën dhe Punët e Jashtme, Olta Xhaçka tha sot se “referendumet e rreme dhe mobilizimet e pjesshme ushtarake janë lëvizje të dëshpëruara nga ana e Rusisë që vetëm sa do të përshkallëzojnë këtë luftë tragjike”.
Në një reagim në rrjetet sociale, Xhaçka theksoi se “Rusia zgjodhi të fillonte një luftë ilegale që u ka kushtuar jetën dhjetëra-mijëra civilëve të pafajshëm dhe ka shkatërruar ushtrinë ruse”.
“Ukraina po e fiton këtë luftë dhe këto lëvizje nuk do të dobësojnë mbështetjen ndaj rezistencës heroike të Ukrainës”, tha Xhaçka.
/k.s/r.e/
