TIRANË, 18 qershor /ATSH/ Zonat pranë monumenteve të kulturës në Durrës po pastrohen për t’u vizituar nga qytetarët durrsakë dhe turistët e shumtë.
Kryetarja e bashkisë së Durrësit, Emiriana Sako ndau sot pamje nga pastrimi.
“Krahas punës sonë të përditshme për pastrimin e qytetit po pastrohen edhe zonat pranë monumenteve të kulturës”, u shpreh ajo në një postim në rrjetet sociale.
“Nga pastrimi dhe larja e rruginave pranë mureve të kalasë dhe amfiteatrit”, theksoi ajo.
“Nisma jonë për Durrësin e pastër nuk ndalet më sepse një qytet i pastër është një qytet më i mirë për të gjithë qytetarët durrsakë dhe turistët e shumtë që na vizitojnë”, nënvizoi Sako.
