TIRANË, 24 maj/ATSH/ Në Aeroportin Ndërkombëtar të Rinasit mbërritën ditën e sotme edhe 140.400 doza vaksine nga marrëveshja me kompaninë Pfizer.
Ministria e Shëndetësisë dhe Mbrojtjes Sociale bëri të ditur se deri tani kanë mbërritur në Shqipëri 3,423,030 doza vaksine anti-COVID.
Sipas amendimit të marrëveshjes me kompanisë “Pfizer”, miratuar në Kuvend, për vitin 2022 është parashikuar blerja e 1 milion dozave të vaksinës ‘Pfizer’ dhe 500 dozave opsionale.
Vaksinat anti-COVID reduktojnë mundësinë e infektimit dhe shmangin hospitalizimet dhe fatalitetet. Çdo qytetar mbi 12 vjeç, mund të vaksinohet në qendrat shëndetësore.
