BERLIN, 18 maj /ATSH-DPA/ – Ish-kancelari gjerman, Gerhard Schroder u përball me një dënim të mëtejshëm për refuzimin e denoncimit të qartë të pushtimit rus të Ukrainës.
Koalicioni qeverisës gjerman, i udhëhequr nga social-demokratët (SPD), partia së cilës i përket vetë Schreder dhe ku dikur drejtonte, po shkurton privilegjet e tij të veçanta si ish-kancelar.
”Ai është i dënuar të humbasë zyrën dhe stafin e tij”, sipas një propozimi të qeverisë që do të miratohet nga Komisioni i Buxhetit.
Schroder mund të mbajë pensionin dhe mbrojtjen personale.
Propozimet e koalicionit nuk plotësojnë kërkesën e opozitës konservatore që Schroder të humbasë edhe pensionin.
Opozita argumentoi se Schroder po dëmton reputacionin ndërkombëtar të Gjermanisë duke mos u distancuar nga presidenti rus Vladimir Putin dhe duke mbajtur postet e tij në kompani të ndryshme ruse të energjisë.
Schroder ishte kancelar nga viti 1998 deri në 2005, social-demokrati i fundit që drejtoi Gjermaninë përpara Olaf Scholz.
Më pas, ai punoi për kompaninë e gazsjellësit ”Nord Stream”, ”Gazprom” dhe kompaninë energjetike ”Rosneft”, ndër të tjera./ /os/
