TIRANË, 6 maj/ATSH/ Edi Paloka është zgjedhur këtë mbrëmje kreu i ri i Këshillit Kombëtar të Partisë Demokratike.
Paloka fitoi me shumicë votash përballë Eleina Qiricit, e cila kandidoi gjithashtu për kryetare të Këshillit Kombëtar. Paloka ka marrë 132 vota ndërsa Eleina Qirici mori 79 vota.
Këshilli i ri Kombëtar është organi i cili pritet të zgjedhë kryesinë e Partisë Demokratike, së bashku me drejtuesit e tjerë të partisë, si nënkryetarët dhe sekretarin e përgjithshëm.
Ndërkohë më 22 maj pritet të mbahen zgjedhjet për kreun e ri të kësaj partie.
/a.a/r.e/
