BRUKSEL, 21 prill /ATSH-DPA/- Bashkimi Evropian ka sanksionuar tetë individë dhe katër subjekte të përfshirë në programin e armëve bërthamore të Koresë së Veriut.
“Këta individë mbanin poste të larta në institucionet e përfshira në zhvillimin e programit të raketave”, sipas një deklarate të BE-së.
BE-ja tha se subjektet e sanksionuara kishin anashkaluar masat e mëparshme ndëshkuese, duke kontribuar në financimin e programeve të armëve të paligjshme.
Koreja e Veriut do t’i nënshtrohet sanksioneve të ashpra ndërkombëtare në përgjigje të programit të saj të armëve bërthamore.
Masat e reja, ngrijnë pasuritë e individëve të përfshirë, i ndalojnë ata të hyjnë në vendet e BE-së dhe të marrin fonde në bllok.
Në total, BE-ja ka sanksionuar 65 individë dhe 13 subjekte për lidhjet e tyre me Korenë e Veriut, përveç 80 personave dhe 75 subjekteve të sanksionuara nga OKB-ja.//a.i/
