TIRANË, 9 prill /ATSH/ Shërbimi Meteorologjik Ushtarak bën të ditur se, vendi ynë sot do të ndikohet nga masa ajrore relativisht të qëndrueshme me origjinë perëndimore. Moti parashikohet me kthjellime si dhe alternime vranësirash kalimtare të pakta dhe mesatare.
Duke filluar nga orët e pasdites shtim vranësirash gradual në të gjithë territorin deri të dendura. Në zonën e veriperëndimit moti kryesisht i vranët përgjatë gjithë ditës shoqëruar me reshje shiu të herëpashershme me intensitet të ulët dhe shtrëngata afatshkurtra. Në orët e mbrëmjes në këtë zonë reshjet e shiut fitojnë intensitet dhe bëhen kryesisht mesatare në formën e shtrëngatave.
Era do të fryjë me drejtim me drejtim juglindje – jugperëndim me shpejtësi mesatare 1-7 m/sek, e cila hera-herës, përgjatë vijës bregdetare do të fitojë shpejtësi deri në 10-13 m/sek duke u shoqëruar me valëzim në dete të forcës 1-3 ballë.
Temperaturat parashikohen:
| QYTETET | Temperaturat në °C | Sigla |
| Shkodër | 12/22 | Re shi diell |
| Kukës | 12/23 | Re diell |
| Lezhë | 13/23 | Re diell |
| Dibër | 8/22 | Re diell |
| Durrës | 12/24 | Diell re |
| Tiranë | 13/24 | Diell re |
| Elbasan | 11/25 | Diell re |
| Berat | 11/25 | Diell re |
| Vlorë | 11/24 | Diell re |
| Korcë | 7/19 | Diell re |
| Gjirokastër | 9/23 | Diell re |
| Sarandë | 9/22 | Diell re |
