TIRANË, 25 mars /ATSH/ Sot Greqia feston 201-vjetorin e pavarësisë.
Bashkë me urimet për këtë ngjarje të shënuar, Kryetarja e Kuvendit, Lindita Nikolla, i shpreh kryetarit të parlamentit të Greqisë, Constantine Tassoulas, mirënjohjen për mbështetjen e vazhdueshme të Greqisë për integrimin evropian të Shqipërisë.
“Greqia është një vend fqinj, mike e çmuar, partnere e rëndësishme e Shqipërisë. Marrëdhëniet dypalëshe midis vendeve tona vijnë duke u forcuar, edhe në kuadër të partneritetit të ngushtë si dy vende anëtare të NATO-s dhe në përpjekjet e përbashkëta për garantimin e paqes, stabilitetit dhe sigurisë në rajon e më gjerë”, shprehet në letrën e saj të urimit Nikolla.
“Emigrantët shqiptarë në Greqi dhe minoriteti grek në Shqipëri janë ura të fuqishme të miqësisë midis dy popujve dhe dy vendeve tona”, shkruan në letrën e saj të urimit Nikolla.
/r.e/
