TIRANË, 25 janar /ATSH-I. Vata/ Ambasadori i BE-së në Shqipëri ka zhvilluar sot një takim me Kryetaren e Gjykatës së Lartë, Naureda Llagami.
Në fokus të diskutimit ishte harta e re gjyqësore, përmirësimi i efikasitetit të gjykatave, si një aspekt kyç i Reformës në Drejtësi.
Soreca theksoi se, për hartën e re gjyqësore është e rëndësishme të zhvillohen konsultime gjithëpërfshirëse me të gjitha palët e interesuara.
“Kënaqësi të informohesha sot nga Kryetarja e Gjykatës së Lartë, Naureda Llagami, mbi propozimin e hartës së re gjyqësore. Përmirësimi i efikasitetit të gjykatave është një aspekt kyç i reformës në drejtësi, e mbështetur nga BE. Është e rëndësishme të zhvillohen konsultime gjithëpërfshirëse me të gjitha palët e interesuara, përfshirë komunitetet lokale,” shprehet Soreca.
/a.a/r.e/
