TIRANË, 29 shtator/ATSH/ Ministrja për Evropën dhe Punët e Jashtme, Olta Xhaçka zhvilloi sot një takim me ambasadorin Vincenzo Del Monaco, shef i Prezencës së OSBE-së në Shqipëri.
Xhaçka u shpreh se së bashku me ambasadorin Del Monaco po përgatisin vizitën e ministres së Punëve të Jashtme të Suedisë, Ann Linde, si kryetare e OSBE-së për vitin 2021.
“Gjithmonë një kënaqësi takimi me ambasadorin Vincenzo Del Monaco, shef i Prezencës së OSBE-së në Shqipëri. I transmetova vlerësimin tonë të sinqertë për punën e tij të shkëlqyer në Prezencë në një periudhë sfiduese. Duke punuar së bashku për t’u përgatitur për vizitën e ministres së Punëve të Jashtme të Suedisë, Ann Linde, si kryetare e OSBE-së për vitin 2021”, u shpreh Xhaçka në një reagim në Twitter.
/j.p/r.e/
