TIRANË, 13 shtator/ATSH/ Mbi 100 mijë të rinj dhe të reja kryen studimet në 35 shkollat profesionale të vendit, përgjatë 8 viteve të fundit.
Mundësia për të gjetur një punë për të rinjtë që përfundojnë arsimin profesional është më e madhe, krahasuar me të rinjtë që përfundojnë arsimin e mesëm të përgjithshëm.
68.3 % është aftësia për punë në raport me ata që mbarojnë shkollën e mesme.
Referuar numrit total të punëkërkuesve të papunë të regjistruar në kurset e formimit profesional, përqindja e grave që kanë përfituar ka ardhur në rritje vit pas viti.
Nëse në vitin 2017, 36 % e punëkërkuesve të papunë të regjistruar në kurse formimi profesional ishin gra, në vitin 2020 arriti në 55.3 %.
Ministrja e Financave dhe Ekonomisë, Anila Denaj bëri të ditur se qeveria do të vijojë të mbështesë aftësimin profesional, për të rritur shanset e punësimit sidomos për gratë.
Përveç shkollave profesionale, ministrja Denaj tha se 10 qendra të formimit profesional janë të shtrira dhe ofrojnë kurset e tyre në të gjithë vendin.
“Vetëm në periudhën janar-gusht të këtij viti 2747 vajza dhe gra kanë ndjekur kurset e formimit profesional”, tha Denaj.
/a.a/r.e/
