TIRANË 25 gusht /ATSH-I.Vata/ Shërbimet online në e-Albania për transportin rrugor kanë ndryshuar përgjithnjë jetën e drejtuesve të mjeteve.
Linda Karçanaj, drejtoreshë e Përgjithshme e Agjencisë Kombëtare të Shoqërisë së Informacionit (AKSHI), informoi se aktualisht janë 53 shërbimet online në e-Albania për transportin rrugor.
“764,425 aplikime online, janar-korrik 2021, vetëm për përdorimin e shërbimeve të transportit rrugor. 184,168 dokumente janë gjeneruar me vulë elektronike. 93,069 aplikime nga drejtues mjetesh që i verifikojnë online pikët e patentës. 177,985 aplikime nga qytetarë dhe biznese për verifikimin dhe pagesën e gjobave të mjetit online”, njofton Karçanaj. /j.p/
