SHBA – Rritje e ndjeshme e deficitit tregtar

UASHINGTON, 5 gusht /ATSH-DPA/ – Deficiti tregtar amerikan u zgjerua me më shumë se sa pritej në muajin qershor, sipas një raporti të lëshuar nga Departamenti amerikan i Tregtisë.

Departamenti i Tregtisë tha se deficiti tregtar u zgjerua në 75,7 miliardë dollarë në qershor, nga 71,0 miliardë dollarë i rishikuar në maj.

Ekonomistët kishin pritur që deficiti tregtar të zgjerohej në 74,1 miliardë dollarë, nga 71,2 miliardë dollarë të raportuar fillimisht për muajin e kaluar.

Deficiti tregtar më i madh se sa pritej erdhi pasi vlera e importeve u rrit me 2,1 për qind, në 283,4 miliardë dollarë, ndërsa vlera e eksporteve u rrit me 0,6 për qind, në 207,7 miliardë dollarë./ a.jor.

Në bazë të nenit 4 të ligjit ”Për funksionimin e Agjencisë Telegrafike Shqiptare”, ndalohet kopjimi, riprodhimi dhe publikimi i informacionit pa cituar burimin e tij.