TIRANË, 4 gusht/ Ministria e Mbrojtjes informoi sot se është neutralizuar vatra e zjarrit në Gjirokastër.
Duke informuar mbi situatën e zjarreve në vend, Ministria e Mbrojtjes bën të ditur se kjo ishte një vatër e re në Gjirokastër, për shuarjen e së cilës u angazhuan Forcat e Armatosura.
“Në Gjirokastër kishte një tjetër vatër zjarri, vatër e re. U angazhuan trupat e FA-së së bashku me zjarrfikësit. Zjarri u neutralizua”, njofton Ministria e Mbrojtjes.
Si pasojë e zjarreve në Gjirokastër, ditën e djeshme humbi jetën një person, si dhe u evakuuan banorët e tre fshatrave.
/m.m/r.e/
