MADRID, 21 korrik /ATSH-DPA/ – Numri i të infektuarve me koronavirus në ishullin e njohur turistik spanjoll të Majorkës vazhdon të rritet duke bërë që autoritetet të konsiderojnë kufizimin e festave.
Sipas Ministrisë spanjolle të Shëndetësisë, numri i infeksioneve të reja për 100 000 banorë brenda shtatë ditësh ishte 335 persona, ndërsa një ditë më parë, shifra ishte 310 dhe të premten e kaluar ishte 270.
Sidoqoftë, në zonën e nxehtë të Katalonjës, Barcelonë, shifrat ranë pak për herë të parë.
Incidenca shtatëditore ra nga 612 të hënën në 579 të martën.
Ndërsa numri i të prekurve me koronavirus është rritur në mënyrë dramatike, kryesisht për shkak të infeksioneve të shumta mes të rinjve, kryesisht ende të pavaksinuar, qeveria rajonale e ishujve baleare, që përfshin Menorkën, Ibizën dhe Formenterën dhe Majorkën, po kërkon të kufizojë ashpër jetën e natës nga fundi i kësaj jave./ /os/
