BRUKSEL, 12 korrik /ATSH-DPA/ – Bashkimi Evropian zgjati edhe për gjashtë muaj sanksionet ekonomike kundër Rusisë për rolin e saj në konfliktin në Ukrainën Lindore.
Sanksionet u miratuan për herë të parë në korrik 2014 në përgjigje të aneksimit rus të Gadishullit të Krimesë dhe mbështetjes së Moskës për separatistët pro rusë në lindjen e vendit.
Që nga ajo kohë, sanksionet janë zgjatur rregullisht.
Zgjatja më e fundit do të thotë që sanksionet do të qëndrojnë në fuqi të paktën deri më 31 janar 2022.
Bashkimi Evropian ka detyruar lehtësimin e sanksioneve për të ecur përpara në marrëveshjet e Minskut, që kërkojnë një armëpushim të pakushtëzuar dhe që të dy palët mund të tërheqin armët e rënda nga fronti në Ukrainën Lindore.
Sanksionet e BE synojnë industritë financiare, energjetike dhe të mbrojtjes të Rusisë duke bllokuar hyrjen e bankave ruse në tregjet e BE dhe duke kufizuar disa importe të BE.
Masa të veçanta janë vendosur për tregtinë me territoret e aneksuara të Krimesë dhe Sevastopolit./ /os/
