LISBONË, 8 korrik /ATSH-AFP/ – Portugezët tani do të duhet të paraqesin një certifikatë shëndetësore ose një test negativ COVID-19 për të qëndruar në një hotel ose për të pasur akses në restorantet në rajonet më të prekura nga ringjallja e epidemisë së koronavirusit, vendosi sot qeveria.
Në industrinë e hotelerisë, kjo kërkesë do të zbatohet çdo ditë dhe në të gjithë vendin.
“Ne vazhdojmë të vëmë re një përkeqësim të pandemisë”, tha zëdhënësja e qeverisë portugeze, Mariana Vieira da Silva, duke njoftuar se vendi tani ka 60 komuna me një rrezik “të lartë” ose “shumë të lartë” të ngjitjes, nga 45 javën e kaluar.
Në të njëjtën kohë, qeveria vendosi të heqë ndalimin e udhëtimit midis zonës metropolitane të Lisbonës dhe pjesës tjetër të vendit gjatë.
Sipas një raporti të lëshuar të martën nga Instituti Kombëtar i Shëndetit (INSA), pjesa e variantit Delta në rastet e reja të zbuluara në Portugali ka arritur pothuajse 90%, që nga java e fundit e qershorit./ /ervo/
