PRISHTINË, 6 korrik/ATSH/ Asnjë i vdekur dhe 10 raste të reja pozitive me COVID-19 janë raportuar në 24 orët e fundit në Kosovë. Kështu kanë njoftuar nga Ministria e Shëndetësisë bazuar në të dhënat e Institutit Kombëtar të Shëndetësisë Publike të Kosovës (IKShPK).
Në 24 orët e fundit janë dhënë 13.397 doza të vaksinës kundër COVID-19.
Prej fillimit të vaksinimit në të gjitha qytetet e Kosovës janë dhënë 219.885 doza të vaksinës.
Deri më sot 52.975 qytetarë janë vaksinuar me dozën e dytë.
Nga 2.143 testime, 10 qytetarë kanë rezultuar pozitiv me virusin COVID-19.
Gjatë 24 orëve të fundit, nuk është shënuar asnjë rast i vdekjes.
Sot janë shëruar 16 qytetarë, derisa numri i përgjithshëm i të shëruarve është 105.397.
Në total numri i rasteve aktive është 152. /KosovaPress/
