BERLIN, 12 qershor /ATSH-DPA/ – Prodhuesi më i madh i makinave në Europë, Volkswagen, raportoi një rritje të ndjeshme të shitjeve globale, ndërsa industria e automjeteve u rikuperua nga një krizë e shkaktuar nga pandemia.
VW tha se dërgesat totale në mbarë botën të markave të saj, të cilat përfshijnë Audi dhe Porsche, u rritën 41% ose në 860 000 njësi në maj krahasuar me një vit më parë.
Rritja e shitjeve të muajit të kaluar të VW erdhi me gjithë një rënie prej 5,7% në Kinë, që është tregu më i madh i automjeteve në botë dhe ku kërkesa e fortë deri më tani ka qenë kryesore për të ndihmuar industrinë globale të automjeteve të dalë nga kriza.
”Pasi u godit rëndë nga pandemia, shitjet e brendshme të VW në Europën Perëndimore gati u dyfishuan në maj”, deklaroi kompania.
Markat e prodhuesit të automjeteve përfshijnë gjithashtu Skoda, Seat dhe Bentley./ /os/
