GJENEVË, 20 maj /ATSH-DPA/ – Pavarësisht nga pandemia e koronavirusit, numri i njerëzve të cilëve u është dashur të ikin në rajone të tjera të vendit të tyre është rritur në mënyrë dramatike në të gjithë botën gjatë vitit të kaluar.
”Rreth 55 milionë persona në mbarë botën u prekën nga një fat i tillë në fund të vitit 2020, më shumë se kurrë”, njoftoi sot Qendra e Monitorimit të Lëvizjes së Brendshme (IDMC) në Gjenevë.
Një vit më parë, 45,7 milionë persona u larguan nga luftërat dhe katastrofat natyrore në vendet e tyre.
Në vitin 2020, konfliktet dhe katastrofat shkaktuan 40,5 milionë zhvendosje të reja të brendshme në 149 vende dhe territore, një shifër që përfshinte njerëz të detyruar të lëviznin më shumë se një herë.
“Është tronditëse që vitin e kaluar dikush u detyrua të largohej nga shtëpia e tyre brenda vendit të tyre çdo një sekondë”, tha sekretari i përgjithshëm norvegjez për refugjatët, Jan Egeland.
“Është veçanërisht shqetësuese që këto shifra të larta u regjistruan në sfondin e pandemisë Covid-19, kur kufizimet e lëvizjes penguan mbledhjen e të dhënave dhe më pak njerëz kërkuan strehimore emergjente nga frika e infektimit”, shtoi drejtoresha e IDMC Alexandra Bilak. /os/
