BUDAPEST, 30 prill /ATSH-DPA/ – Hungaria po heq masat e vendosura për frenimin e pandemisë, deklaroi sot kryeministri hungarez Viktor Orban.
“Ne kemi arritur në një fazë të re”, tha Orban për radion shtetërore.
Që nga e shtuna, personat e vaksinuar ose të shëruar nga COVID-19 mund të frekuentojnë restorantet, palestrat, muzetë, kopshtet zoologjike, kinematë, teatrot dhe ngjarje sportive.
Qëndrimet në hotel gjatë natës, gjithashtu, do të lejohen sërish.
Numrat e rasteve të infektimit kanë rënë ndjeshëm në vend.
Të enjten, u regjistruan 164 raste për 100 000 banorë gjatë shtatë ditëve, nga 245 që ishin javën e kaluar.
Sidoqoftë, shkalla e vdekjes është e lartë: 186 persona vdiqën dje nga COVID-19.
Orban i bëri thirrje popullatës që të vaksinohet, duke e përshkruar vaksinimin si një “jelek antiplumb”./ /ervo/
