TIRANË, 21 prill/ATSH/ Kryeministri Edi Rama falenderoi qytetarët e Lushnjes për pritjen e ngrohtë që i bënë në takimin e sotëm elektoral.
Rama publikoi një video nga pjesëmarrja e qytetarëve në këtë takim.
Nga Lushnja, Rama tha sot se më 25 prill nuk bëhet fjalë për të zgjedhur mes partive, por për të zgjedhur rrugën se çfarë duam të jemi e si duam të jetë Shqipëria e kësaj dekade ku kemi hyrë.
Kryeministri tha se më 25 prill është përpjekja e fundit e Sali Berishës dhe Ilir Metës për të marrë nën kontroll Shqipërinë./m.m/
