TIRANË, 10 prill/ATSH/ Drejtuesi politik i PD-së për Kamzën, Flamur Noka ishte sot në vendin ku lumi i Tiranës ndan Laknasin me Valiasin, për të treguar sesa të vështirë ua ka bërë jetën banorëve mungesa e një ure normale.
“Kjo është një arsye më shumë për të votuar kundër kësaj qeverie që është ngritur mbi mashtrime. Me PD në qeveri, ura do të jetë një nga veprat e para që do të ndërtohet. Qeveria e Lulzim Bashës do të jetë një qeveri që kujdeset për njerëzit”- tha Flamur Noka.
Ai ftoi banorët e zonës të ndëshkojnë me votë qeverinë e mashtrimeve dhe të braktisjes.
/m.m/j.p/
