TIRANË, 31 mars /ATSH/ Kyeministri Edi Rama u shpreh sot se opozita ka në program prapë vendosjen e fashave për energjinë elektrike.
“Ju kujtohen fashat që vinin, ku biznesi fshihej si familje dhe familjet faturoheshin si biznes, kur iu vinte faturat e energjisë elektrike?” – tha Rama, duke folur në Këndin e Fjalës në Shirokë me kandidatët e PS për qarkun e Shkodrës.
“Ata duan t’jua kthejnë prapë këto fasha”, – deklaroi ai.
“Nuk kanë nxjerrë asnjë mësim, janë të paaftë komplet. Kush voton këta, një gjë e ka të sigurt, që merr tramvajin e Tiranës. Kjo është e sigurt”, – tha Kryeministri.
“I dhe votën këtyre, e ke tramvajin te dera, që të çon ku të duash ti. Nuk të erdhi tramvaji, nuk të jep njeri llogari. Ka një defekt teknik, do të vijë nesër”, – u shpreh Rama.
/j.p/r.e/
