TIRANË, 19 mars /ATSH/ Kryetari i Partisë Demokratike, Lulzim Basha reagoi sot ndaj presidentit të Serbisë, Aleksandër Vuçiç, i cili publikoi hartën e Kosovës me flamurin e Serbisë.
“Deklaratat dhe veprimet e presidentit të Serbisë Aleksandër Vuçiç nuk i shërbejnë bashkëpunimit, paqes dhe stabilitetit në rajon, ato nxisin konflikt dhe përçarje”, tha Basha.
“Kosova e pavarur është realitet i pakthyeshëm. Shfaqje të tilla nacionaliste dëmtojnë vetëm Serbinë dhe tregojnë qasjen destruktive të lidershipit të saj”, u shpreh Basha.
“Sa më shpejt të pranohet realiteti i Kosovës së lirë dhe të pavarur, aq më mirë do të jetë për Serbinë, popullin e saj dhe gjithë Ballkanin për të ecur më shpejt drejt BE-së si interesi më i mire i popujve tanë”, theksoi Basha. /j.p/r.e/
