TIRANË, 12 mars/ATSH/ Ministrja e Shëndetësisë dhe Mbrojtjes, Sociale Ogerta Manastirliu, ka bërë me dije se me mbërritjen e dozave nga “AstraZeneca” në Shqipëri, do të nisë menjëherë vaksinimi i mësuesve.
Sipas ministres, 38 400 dozat e vaksinës “AstraZeneca”, të cilat mbërrijnë sot në Shqipëri, janë siguruar falë financimit të qeverisë shqiptare, përmes kontratës me mekanizmin COVAX.
“38 400 vaksina të ‘AstraZeneca’, të siguruara nga qeveria përmes parapagimit nëpërmjet mekanizmit COVAX, mbërrijnë sot në Shqipëri dhe do të nisim menjëherë vaksinimin e mësuesve”, shprehet Manastirliu.
/r.e/
