KALIFORNI, 26 shkurt /ATSH-DPA/ – Kompania e njohur ”Dell Technologies” publikoi një rritje të fitimeve për tremujorin e katërt 2020, pasi të ardhurat u rritën me 9%, kryesisht për shkak të kërkesës së vazhdueshme për kompjutera dhe notebook, ndërkohë që pandemia Covid-19 vazhdon të detyrojë shumë njerëz të punojnë në distancë.
Fitimet dhe të ardhurat për tremujorin tejkaluan vlerësimet e analistëve të Wall Street.
Fitimet e Round Rock, me bazë në Teksas, në tremujorin e katërt të ”Dell” u rritën në 1.34 miliardë dollarë ose 1.57 dollarë për aksion, nga 416 milionë dollarë ose 0.54 dollarë për aksion vitin e kaluar.
Analistët e intervistuar nga Thomson Reuters vlerësuan fitimet prej 2.14 dollarë për aksion. Vlerësimet e analistëve zakonisht përjashtojnë artikuj të veçantë.
Të ardhurat për tremujorin u rritën me 9% në 26.11 miliardë dollarë nga 24.02 miliardë dollarë të vitit të kaluar.
Analistët kishin një vlerësim të të ardhurave prej 24.49 miliardë dollarësh./ /os/
