BRUKSEL, 18 shkurt /ATSH-DPA/ – Vendet e NATO-s do të rrisin numrin e trupave të tyre të misionit në Irak nga 500 në rreth 4 000, njoftoi sot Sekretari i Përgjithshëm i Aleancës, Jens Stoltenberg.
“Ideja është të zgjerojmë aktivitetet e trajnimit për forcat e sigurimit irakian dhe, gjithashtu, t’i dislokojmë ato jashtë Bagdadit”, tha Stoltenberg.
“Qëllimi është parandalimi i ringjalljes së grupit Shteti Islamik”, shtoi ai.
Kreu i NATO-s theksoi se misioni ishte me kërkesë të qeverisë irakiane dhe në respekt të plotë të sovranitetit dhe integritetit territorial të Irakut./ /ervo/
