TIRANË, 14 shkurt/ATSH/- Autoriteti i Aviacionit Civil bën të ditur se “të gjithë ata që kanë në plan të udhëtojnë sot, Aeroporti Ndërkombëtar i Tiranës është që prej orës 07:00, në gjendje operacionale dhe nuk ka probleme prej kushteve klimaterike”.
AAC informon se rreth orës 07.30 është kryer një ulje sot në mëngjes e linjës Bari- Tiranë.
“Ky fluturim bëri ulje të detyruar mbrëmë në orën 01:00 në Bari si pasojë e kohës së keqe në Tiranë. Bëhet fjalë për fluturimin Bologna – Tiranë”, sqaron AAC.
Gjithashtu bëhet e ditur se nuk ka patur vonesa për ngritjet: LUFTHANSA DLH1425: Tiranë- Frankfurt ora 07:50 , ALBAWINGS ABN2007:Tiranë – Bergamo ora 09:15 dhe WIZZAIR WZZ3845 Tiranë – Bergamo ora 09:35”.
Autoriteti i Aviacionit Civil bën të ditur se “parashikohen vonesa të vogla dhe ndryshim oraresh në fluturimet e ditës sotme, si: “PC 282PEGASUS Tiranë – Stamboll nga ora 02:20 ka ndryshuar në 18:00 për ditën e sotme. Fluturimet e Air Albania drejt Italisë me destinacionet Bergamo, Malpensa dhe Bologna kanë 1 orë e 30 minuta vonesë secili fluturim, në nisje nga TIA. Ndërsa Tiranë- Stamboll niset në orën 15:00”.
