ATHINË, 8 shkurt /ATSH-AMNA/ – Greqia konfirmoi sot 25 vdekje shtesë nga COVID-19 në 24 orët e fundit, numri i përgjithshëm i të cilave ka arritur në 5 997 në total, njoftoi Organizata Kombëtare e Shëndetit Publik (EODY).
Mosha mesatare e të gjitha fataliteteve ishte 79 vjeç, 95,6 % kishin një gjendje shëndetësore bashkëshoqëruese.
Gjithsej, në kujdesin intensiv (ICU) janë 276 individë të intubuar. Mosha e tyre mesatare është 70 vjeç.
EODY regjistroi, gjithashtu, edhe 638 raste të reja infektimi me COVID-19, nga të cilat katër u identifikuan në pikat e hyrjes në vend.
Rastet në Greqi janë gjithsej 164 575 nga të cilat 6 045 kanë të bëjnë me udhëtime nga jashtë dhe 52 595 me raste infeksioni tashmë të konfirmuara./ /ervo/
