ROMË, 2 shkurt /ATSH-DPA/ – Ekonomia italiane u tkurr me një ritëm më të ngadaltë se sa pritej në tre muajt e fundit të vitit 2020, pas rritjes së fortë në tremujorin e mëparshëm, treguan të dhënat paraprake nga Instituti i Statistikave, ISTAT.
Prodhimi i Brendshëm Bruto ra me 2,0% nga tremujori i tretë, ndërkohë që ekonomistët kishin parashikuar një rënie prej 2,2%.
”Ndryshimi nga tremujor në tremujor është rezultat i një rënie të vlerës së shtuar në të gjithë sektorët kryesorë ekonomikë përfshirë bujqësinë, pylltarinë, peshkimin, industrinë dhe shërbimet”, theksoi ISTAT.
Në tremujorët e parë dhe të dytë, ekonomia u tkurr përkatësisht me 5,5% dhe 13,0% për shkak të ndikimit të rëndë të pandemisë së koronavirusit./ /os/
