TIRANË, 28 shtator/ATSH/ Autoriteti Portual i Durrësit ka njoftuar se moti i keq vijon të jetë prezent në Gjirin e Durrësit, duke krijuar pengesa në veprimtarinë portuale.
Tragetet e parashikuar për të lundruar mbrëmjen e kaluar nga Durrësi drejt Barit dhe anasjelltas, janë penguar në nisjen e tyre në oraret respektive, duke u nisur mëngjesin e sotëm.
Forca e erës vijon të jetë me tendencë në rritje, duke pezulluar përkohësisht edhe procesin e përpunimit në Terminalin Perëndimor.
z.tosku//a.a//r.e/
