GJERMANI – Ngadalësohet rimëkëmbja industriale

BERLIN, 7 shtator /ATSH-DPA/ – Rimëkëmbja e industrisë gjermane nga ndikimi i masave të bllokimit të koronavirusit është ngadalësuar pas shenjave më të mira në muajin korrik të këtij viti, sipas të dhënave të qeverisë.

”Prodhimi u rrit me 1,2% nga qershori, në muajin e tretë radhazi të rritjes”, njoftoi Zyra Federale e Statistikave (Destatis).

Sidoqoftë, analistët kishin pritur një kthim shumë më të fortë prej 4,5% për muajin korrik.

”Rritja e prodhimit kishte qenë shumë më e fortë në qershor me 9,3%”, tha Destatis duke rishikuar vlerësimin e tij fillestar për atë muaj me 8,9%.

Kufizimet gjithëpërfshirëse që synojnë të ngadalësojnë përhapjen e pandemisë çuan në një rënie të ndjeshme të prodhimit industrial në ekonominë më të madhe të Europës në muajt mars dhe prill.

”Në korrik, prodhimi ra me 10 % krahasuar me të njëjtin muaj të vitit të kaluar”, njoftoi Destatis.  /os/

 

Në bazë të nenit 4 të ligjit ”Për funksionimin e Agjencisë Telegrafike Shqiptare”, ndalohet kopjimi, riprodhimi dhe publikimi i informacionit pa cituar burimin e tij.