KOPENHAGË, 31gusht /ATSH-DPA/ – Ekonomia e Danimarkës pritet të tkurret me 4,5 % këtë vit, në mes të krizës së koronavirusit, tha sot qeveria ndërsa prezantoi propozimin e saj për buxhetin e vitit 2021.
“Si pjesë e masave të saj, qeveria pritet të krijojë një plan ndihme me vlerë 1,47 miliardë dollarë për të mbështetur ekonominë daneze dhe për të siguruar vendet pune dhe mirëqenie”, tha ministri i Financave, Nicolai Wammen.
Sipas Wammen, paratë do të përdoren gjithashtu për të blerë vaksina, nëse ka, kundër COVID-19 dhe për të financuar kosto shtesë në shërbimet shëndetësore./ /ervo/
