KOPENHAGË, 29 prill /ATSH-AFP/ – Danimarka, që gradualisht po heq kufizimet e vendosura si masa kundër koronavirusit të ri, ka arritur të vërë nën kontroll përhapjen e pandemisë, tha sot shefja e qeverisë, Mette Frederiksen.
“Infeksioni është nën kontroll dhe strategjia daneze arriti t’ia dalë mbanë në fazën e parë të vështirë”, përgëzoi Frederiksen, para parlamentit njëdhomësh, Folketinget.
Për të ndaluar përhapjen e virusit, Danimarka mbylli çerdhe, shkolla, kolegje dhe univeristete, disa vende të hapura për publikun, si restorante e bare, palestra e parukeri.
Ajo, gjithashtu, ndaloi grumbullimet e më shumë se 10 personave.
Disa nga këto kufizime janë hequr tani. Fëmijët deri në klasën e gjashtë janë kthyer në shkollë dhe parukeritë e sallonet e estetikës apo tatuazheve janë rihapur.
Faza e dytë e rihapjes do të fillojë pas 10 majit./ /ervo/ a.jor.
