LONDËR, 20 prill /ATSH-AFP/ – Qeveria britanike njoftoi sot një plan ndihme prej 1,25 miliarë stërlinash në mbështetje të kompanive të reja inovatore që kanë vështirësi në gjetjen e financimeve mes pandemisë.
Ministri i Financave, Rishi Sunak ka shpjeguar në një komunikatë se këto para do të shërbejnë për të mbrojtur start-up në rritje të ndjeshme, në fushën e teknologjisë apo të shëndetit.
Në detaje, ky plan i financuar nga paratë publike dhe private, përfshin një strukturë kredie prej 500 milionë stërlinash si dhe ndihmë prej 750 milionë stërlinash për kërkimin dhe zhvillimin e PME-ve.
Sistemi i kredisë, për të cilin qeveria do të kontribuojë 250 milionë stërlina do të jetë i hapur për kompanitë që kanë grumbulluar fonde në vitet e fundit. Dhe nëse paratë nuk paguhen, kredia do të shndërrohet në pjesëmarrje në kapital.
“Mbretëria e Bashkuar është një lider botëror në inovacion dhe start-up-et tona janë janë një nga pikat tona të mëdha që do të mbështesin rritjen ekonomike pas pandemisë”, theksoi Rishi Sunak./ /ec/
