TIRANË, 27 mars/ATSH/ Drejtori i Përgjithshëm i Shërbimeve të Transportit Rrugor, Blendi Gonxhja garantoi qytetarët se transporti i mallrave ndërkombëtar dhe ai brenda vendit është një proces i garantuar.
Kreu i DPSHTRR, në një intervisë në media bëri të ditur se gjatë kësaj periudhe janë përsosur modalitetet .
Gonxhja tha se po zbatojmë rekomandimet nga Komisioni Europian për tranprotine mallrave të cilat janë detyruese si për vendet e BE-së edhe për ato të Ballkanit Perëndimor.
“Këto rekomandime përcaktojnë edhe krjimin e korridoreve të gjelbra që janë të detyrueshme për të shmangur çdo lloj diskriminimi dhe vonese në kontrolle të ndryshme. Këto korsi e bëjnë më të shpejtë transportin duke u dhënë prioritet edhe disa mallrave emergjente si atyre farmaceutike apo ushqimore të nevojës së parë”, deklaroi Gonxhja.
Sipas tij, është përcaktuar edhe lista dhe vijon transporti i mallrave, qoftë sa i takon transportit rrugor apo atij detar.
“Jan rreth 269 aplikime për periudhën 17-26 mars nga operatorët e transportit të mallrave për nevoja të ndryshme për transport brenda dhe jashtë vendit. Me Italinë janë 300 mjete dhe 200 shoferë për transportin e mallrave. Pas ]do rruge shoferët karantinohen 14 ditë dhe vetëm pas këtij afati rifuten në shërbim. Zinxhiri ka të bëjë edhe me shpërndarjen brenda vendit ku bëhet kujdes nga kontrolli mjekësor e policor që kushdo futet në territorin e Shqipërisë të ketë një fazë karantinimi”, bëri të ditur kreu i SHTRR./a.gjonaj/
