BRUKSEL, 23 mars /ATSH-DPA/ – Ministrat e Jashtëm të Bashkimit Europian do të zhvillojnë diskutime lidhur me përpjekjet e riatdhesimit të qindra mijera qytetarëve të BE-së, të cilët janë bllokuar jashtë vendit për shkak të pandemisë së koronavirusit.
Takimi, që do të zhvillohet përmes një videokonference, do të trajtojë gjithashtu efektet gjeopolitike të përhapjes së virusit.
Përpjekjet për frenimin e përhapjes së shpejtë të sëmundjes vdekjeprurëse COVID-19, kanë hequr fokusin nga përpjekjet e tjera diplomatike në Siri dhe Libi.
Josep Borrell, përfaqësuesi i Punëve të Jashtme të BE-së, theksoi se aktualisht përpjekjet janë të përqendruara në luftën kundër virusit.
Megjithatë, takimi do të trajtojë edhe misionin e planifikuar të BE-së për zbatimin e embargos së armëve të OKB-së në Libi. / /sara/
