TIRANË, 21 mars/ATSH/ Në bashkinë Patos po vijon shpërndarja e ndihmave për të moshuarit e vetmuar në çdo njësi administrative.
Ekipet e bashkisë janë pranë personave të moshuar, që janë pa të afërm pranë, duke u kujdesur për nevojat e tyre në këtë moment të vështirë të përballjes me COVID-19.
Në njësinë administrative Rruzhdie po vazhdon shpërndarja e shportës së ushqimeve që bashkia ka siguruar në bashkëpunim me një nga kompanitë vendase që i është përgjigjur gjithnjë nismave të tilla humanitare.
Po ashtu, bashkia Patos ka vënë në dispozicion disa numra kontakti për këdo që njeh të moshuar që nuk kanë pranë njeri.
/m.m/
