TIRANË, 21 mars/ATSH/ Në qytetin e trëndafilave, Përmet, sot në këtë ditë pranvere me diell mbizotëron qetësia.
Banorët e qytetit mikpritës, të luleve, këngëve popullore lirike me saze, qyteti i verës por veçanërisht i glikove unikale, kanë respektuar rregullat e vendosura nga autoritetet shtetërore për evitimin në maksimum të lëvizjes.
Miikëpritës i vizitorëve sidomos në pranverë dhe në verë Përmeti sot ishte i qetë dhe pa lëvizje njerëzish dhe automjetesh dhe gjithashtu bizneset dhe lokalet ishin të mbyllura.
Me bukuritë e natyrës dhe monumentet e shumta kulturore që shtrihen në territorin e tij Përmeti është një destinacion tepër i rëndësishëm i ekoturizmit, turizmit të aventurës me biçikletë, hiking dhe atë lumor.
/k.s/
