COVID-19/ Ushqime dhe ilaçe për pensionistët e vetmuar në shtëpi, bashkia e Fierit publikon numrat për çdo informacion

TIRANË, 17 mars/ATSH/ Bashkia e Fierit ka reaguar menjëherë lidhur me nismën e qeverisë për të evituar daljet e pensionistëve nga shtëpia për të bërë blerje, duke u ardhur në ndihmë me ekipet e bashkisë.

Kryetari i bashkisë Fier, Armando Subashi publikoi sot numrat e telefonit të punonjësve të bashkisë sipas rajoneve përkatëse, të cilëve mund t’u drejtohen qytetarët për çdo informacion mbi të moshuarit”.

“Në mbështetje të nismës së qeverisë për të evituar daljet e pensionistëve nga shtëpia, qoftë edhe vetëm për të psonisur, do të jetë bashkia me ekipet e saj që do t’u shërbejë me ushqime, ilaçe e detergjentë, në rastet kur ata kanë nevojë e nuk kanë të afërm pranë në Fier”, tha Subashi.

Deri në përpunimin e plotë të të dhënave për të cilat po punohet intensivisht, Subashi kërkoi nga kushdo që ka informacion për të moshuar që jetojnë vetëm e që nuk kanë asnjë person në Fier që të mund të kujdeset për ta, të njoftojë në numrat e celularit.

Rajoni Nr: 1

/m.m/