VARSHAVË, 5 mars /ATSH-DPA/- Frontex do të nisë një ndërhyrje të menjëhershme kufitare nga toka dhe ajri në Greqi, javën e ardhshme, njoftoi zëdhënësja e agjencisë së BE, Ewa Moncure.
“Ne po planifikojmë të dërgojmë rreth 100 oficerë të shërbimit të urgjencës në rajonin kufitar të Evros që të mërkurën e ardhshme”, deklaroi Moncure.
“Në ishujt grekë, Frontex do të dërgojë kryesisht pajisje, anije ose helikopterë”, vazhdoi ajo.
Po sipas të njëjtit burim, ende nuk është e qartë se çfarë kontributi do të japin vendet e veçanta të BE-së, por të gjithë kanë premtuar se do të ndihmojnë.
Operacioni Frontex është planifikuar për dy muaj, por mund të zgjatet./ /ervo/
