PRISHTINË, 18 shkurt/ATSH/ Në kuadër të 17 shkurtit, Ditës së Pavarësisë së Kosovës, Ministria e Arsimit, Shkencës, Teknologjisë dhe Inovacionit (MAShTI), ka vendosur që në të gjitha shkollat fillore dhe të mesme sot ora e parë e mësimit t’i kushtohet historikut të pavarësisë.
Në këtë orë mësuesit dhe nxënësit kanë folur për sakrificën e popullit shqiptar dhe kontributin e bashkësisë ndërkombëtare për lirinë dhe pavarësinë e Kosovës.
MAShTI i ka uruar festën nxënësve, mësimdhënësve, prindërve dhe të gjithë qytetarëve të Kosovës./k.s/
