GJERMANI – SHBA: Huawei përbën një kërcënim për NATO-n

MYNIH, 15 shkurt /ATSH-AFP/ – Ministri amerikan i Mbrojtjes paralajmëroi sot europianët se duke lejuar prodhuesin kinez të telefonave Huawei për ndërtimin e rrjeteve 5G ata rrezikojnë “të kërcënojnë” NATO-n.

“Nëse ne nuk kuptojmë kërcënimin dhe nuk reagojmë kjo do të kërcënonte aleancën ushtarake që ka patur më shumë suksese në histori, NATO-n”, deklaroi Mark Esper gjatë Konferencës së Mynihut për Sigurinë.

Ministri amerikan i Punëve të Jashtme, Mike Pompeo ka denoncuar “Kalin e Trojës” që përbën për atë prodhuesi kinez, përfshirja e të cilit në rrjetet perëndimore 5G do të shkaktonte, sipas tij, transferimin e të dhënave të të gjithë përdoruesve “Partisë Komuniste kineze” dhe “shërbimeve sekrete kineze”.

SHBA-ja u ka kërkuar disa vendeve, veçanërisht europianëve, të mos përdorin infrastrukturat “Huawei” për vendosjen e rrjetit të ri telefonik 5G./ /ec/

Në bazë të nenit 4 të ligjit ”Për funksionimin e Agjencisë Telegrafike Shqiptare”, ndalohet kopjimi, riprodhimi dhe publikimi i informacionit pa cituar burimin e tij.