KANBERRA, 28 janar /ATSH-DPA/ – Në disa periferi jugore të kryeqytetit australian, Kanberra, është dhënë paralajmërim urgjent për shkak të një zjarri që doli jashtë kontrollit në parkun kombëtar ”Namadgi” që ndodhet aty pranë.
Zjarrfikësit u bënë thirrje banorëve të kërkonin menjëherë strehim.
“Tashmë është shumë vonë për t’u larguar. Nëse jeni në zonë, mos u ktheni”, thuhej në paralajmërimin e Agjencisë së Shërbimeve të Urgjencës së Territorit Australian (ACT).
Gjithashtu janë paralajmëruar dhe pesë periferi të tjera në jug për të monitoruar kushtet nga afër.
Agjencia qeveritare deklaroi se madhësia e zjarrit është 4 646 hektarë dhe vazhdon të digjet, duke dalë jashtë kontrollit me 400 hektarë në orë, pavarësisht qindra zjarrfikësve në vendngjarje, të cilët luftojnë kundër zjarrit./ /sara/ a.jor.
