JERUZALEM, 23 janar /ATSH-AFP/ – Presidenti francez, Emmanuel Macron u angazhua sot para komunitetit francez në Izrael të intensifikojë luftën kundër rritjes së antisemitizmit dhe kërkoi një proces gjyqësor për zbardhjen e për vrasjes së Sarah Halimi.
“Antisemitizmi nuk është problem i hebrenjve, është një luftë për Republikën”, theksoi ai para se të shkonte në Yad Vashem me rastin e ditës përkujtimore për çlirimin e Aushvicit.
“Holokausti mund të përdoret për të justifikuar ndarjen apo urrejtjen kontemporane”, deklaroi sot presidenti francez, Emmanuel Macron.
Fjalimi i tij u mbajt pas atij të zëvendëspresidentit amerikan, Mike Pence dhe kryeministrit izraelit, Benjamin Netanyahu.
I pari bëri thirrje për vendosmëri përballë Iranit dhe i dyti për të reaguar kundër tiranëve të Teheranit me qëllim për të shmangur një tjetër Holokaust./ /ec/
