TIRANË, 16 janar/ATSH/ Bashkia e Tiranës po vijon investimet në infrastrukturën rrugore për të lehtësuar qarkullimin e mjeteve.
Deputetja e Partisë Socialiste në qarkun e Tiranës, Blerina Gjylameti foli sot për këtë premtim të mbajtur për qytetarët.
“Vazhdojnë investimet në Kashar, në Fushë-Mëzez. Nisi rehabilitimi dhe shtrimi i rrugës si kërkesë e domosdoshme nga banorët”, tha ajo.
Investimet në infrastrukturë, sipas Gjylametit, ndihmojnë lëvizjen e mjeteve, mallrave dhe nga ana tjetër ndikojnë në rritjen e vlerës së pronës.
/m.m/ /a.a/
