UASHINGTON, 3 dhjetor /ATSH-ANSA/- Kompania Facebook është duke testuar një opsion të ri që lejon përdoruesit të transferojnë me lehtësi fotot dhe videot e tyre nga media sociale në Google Photos.
Funksioni aktualisht është aktiv vetëm në Irlandë, por do të shtrihet në një shkallë globale deri në gjysmën e parë të vitit 2020.
Lajmet vijnë në një kohë kur Facebook, së bashku me Google, është nën sitën e Antitrustit të BE-së për mbledhjen, përpunimin dhe përdorimin e të dhënave të përdoruesve.
“Ne besojmë se nëse ndani të dhëna me një shërbim, duhet të jeni në gjendje t’i transferoni ato në një tjetër. Ky është parimi i transportueshmërisë së të dhënave, i cili u jep njerëzve kontroll dhe zgjedhje, ndërsa inkurajon inovacionin”, shkroi në një postim drejtori i privatësisë në Facebook, Steve Satterfield./ /os/ a.jor.
