ANKARA, 5 nëntor /ATSH-ANSA/ – Forcat turke në veri të Sirisë kanë arrestuar motrën e Abu Bakr al-Bagdadi, udhëheqësit të ISIS-it, i vrarë muajin e kaluar nga ana e forcave amerikane, theksoi shefi i komunikimit të presidencës së Ankarasë, Fahrettin Altun, duke e quajtur një shembull tjetër suksesi të operacioneve kundër terrorizmit.
Presidenti amerikan, Donald Trump njoftoi sot se pasardhësi numër një i kreut të grupit të Shtetit Islamik i vrarë gjatë një sulmi të forcave amerikane në fundjavë, ishte eliminuar gjithashtu.
“Sapo konfirmova se zëvendësi numër një i Abou Bakr al-Baghdadi është eliminuar nga trupat amerikane. Tashmë ai ka vdekur!”, kishte theksuar presidenti amerikan disa ditë më pare në Twitter.
Forcat kurde kishin njoftuar njëkohësisht edhe vdekjen e Abou Hassan al-Mouhajir, krahu i djathtë i Abou Bakr al-Baghdadi dhe zëdhënësi i organizatës ISIS./ /os/ a.jor.
