TIRANË, 28 tetor/ATSH/ Nga Seksioni për Hetimin e Narkotikëve, në bashkëpunim me Komisariatin e Policisë Nr. 6 bë Tiranë u finalizua operacioni policor i koduar “Astiri”.
Në sajë të këtij operacioni u vendos në pranga një 32-vjeçar, i cili iu shpërndante klientëve në një lokal, në zonën e Astirit lëndë narkotike kokainë, në formë dozash.
Në cilësinë e provës materiale u sekuestruan 60.2 gramë lëndë e dyshuar narkotike kokainë, përzierës lënde narkotike, peshore elektronike dhe dy aparate celulare.
Materialet procedurale iu referuan për veprime të mëtejshme Prokurorisë së Rrethit Gjyqësor Tiranë, për veprën penale “Prodhimi dhe shitja e lëndëve narkotike”./m.m/
